روثة زبي زبي

مافهمتش علاش مش فرحانين. الوضع على ما يرام ماللي شد حزب الرب الحكم. تي شبيك توة في راس الشهر كي تجيك الشهرية تحمد ربي و تدعي باش تجيك الشهر الجاي. كي تمشي للعطار و تلقى عندو حليب تفرح. كي تمشي للمرشي و تلقى كيلو الطماطم بالفين أكهو تفرح. كي تمشي للفرماسي و ما تلقاش الدواء إلي حاجتك بيه ٱما تلقى الڢياقرا تشيخ. تمي لمرشي العلالش و تلقاه معبي بعلالش مستوردة تحمد ربي. و بفضل مرتبة الشريك المتميز إلي تتمتع بيه تونس في الإتحاد الاوروبي، و بحول أعضاء حزب الرب السمسارة، تولي تلقى شكلاطة سويسرة و ترتاح من شكلاطة سعيد. تلقى الپانيتوني و القمح مقطوع. تلقى جبن فرانسا و الحليب مقطوع. تلقى فقّوس إسبانيا و الفلفل مقطوع. تلقى النوقا متاع تركيا و التمر مقطوع.

لازمك تفرح على خاطر فمّا حرية ا لتعبير ٱما ما يلزمكش تمس بالمقدسات،  معنتها الذات الغنوشية و عايلتها صلعم. 

لازمك تفرح على خاطر تنجم تعمل صاحبة و تحسبها على ما ملكت ايمانكم و كانك تخدم في الوزارة تهزها للوتيل على حساب الدولة و زيد مرتك ترضع ليك. مانيش نقصد في حتى حد بالطبيعة. 

تنجم توة تلبس النيك قاب بكل أريحية و تتصور في بطاقة تعريف، تمغور خشمك من غير ما يفيقوا بيك. 

تنجّم تطوّل لحيت بوك و تمشي للخدمة فرحا مسرورا. تنجم  تمشي للجامع تصلّي في أي وقت و قد ما تحب.

لازمك تفرح على خاطر بإمكانك تنتخب و لوكان حزبك يجي من الأغلبية، يعني 38% تولي تفيّش و عندك الحق تهدّ على أي إجتماع متاع أحزاب المعارضة و تفشّخ و تقتل و تسبّ و مرتك إلي عضوة في التأسيسي تتفخّر بيك. 

تنجم ترفع بأي واحد قضيّة كي يمس بهيبة الحكام على خاطر القضاء مستقل عن العدالة. 

تنجم زاده تغتصب أي مرا و لا طفلة تتعدى قدامك بميني جوپ و هذا يدخل في إطار النهي عن المعروف و الامر بالمنكر.  تنجم تستفعل في طفل و لا طفلة صغيرة كان عندك صلة قرابة مع وزير العدل و تربية المواشي إلي يخرجك منها كي الشعرة من النقبة.

تنجم تحرق بكل سهولة بما انو ماعادش برشى عسّة على الحدود. وكي تروّح عندك الحق تجيب كرهبة قديمة تزيد تلوث بيها الطبيعة.

لازمك تفرح على خاطر تنجم تشري السلاح إلي تحب عليه و تنظم مجموعات مسلحة تمشي تترانى في الغابة. 

تنجم تتظاهر على شرط تكون المظاهرة مساندة للحكومة ماكانش تاكل الضرب من عند الميليشيات و الرش من عند البنقليسية. 

بالنسبة للبطالة تنجموا تجنيوا الزيتون و لّا  تعاونوا الخليجيين باش يحطوا غزال المصيد في الصنادق. تنجموا زاده تصبوا مطلب توك توك و توليوا تاكسيستية زيقزاقيست. 

لازم تفرح على خاطر تنجم تمشي للوتلى بعد ما هجروهم التوريست.

تنجم تعمل صحافة الإستقصاء ٱما ماتجيش تتذمر من الإقصاء و

 القضاء المستقل على العدالة.

تنجم تتقرب من حزب الرب و  لا من المرزوقي فماشي ما يحطك مستشار في العلاقات البرنوسية و الخطابات إلي تنقد و تمجد في نفس الوقت العروفات ذوي الإشارات الربانية و السوابق العدلية.

تنجم زاده ترفع قضية بإسرائيل.

تنجم تجيب ما يثبت إلي شديت الحبس بعد اعمال إرهابية قمت بيها و هكاكة تشد وزير و لا والي و تعطي لروحك رتبة أستاذ جامعي، تحل لولدك قناة لتسريب الفضلات. 

تنجم تشري أراضي بو بلاش و في اللخر بالكل تدخل للجنة بوبلاش.

روثة زبي زبي.