ينڢوي سپيسيال متاع السعودية في تونس:
يحكيوا على صعود أقصى اليسار و كيفاش المتطرفين بداوا يفرضوا في القوانين متاعهم. مثلا مشاوا للأسواق يلقاوا برشى حداثيين يبيعوا في كتب داروين، الكاماسوترا، فرويد و مجلات إباحية و تسجيلات متاع طراش ضد الطرش. حكاوا معى بياع صابغ شعرو بالازرق و حاطط بلوطة في خشمو. قاللهم إلي هو فادد من التوريست العرب و يحب السويديين و الدنماركيين و الكنديين يجيوا في بلاصة العرب على خاطر عندهم فكر تحرري. فريق اونڢواي سپسيال مشى لدار مرى منقبة. مللول ما حبتش تحكي معاهم و بعثتلهم الخديمة الفيليبنية تفسرلهم شنوه إلي صار و ممبعد جات تندب و تنوح. بنتها إلي عمرها 14 سنة هربت مع شيوعيين على خاطر امها ما خلاتهاش تلبس ميني شورت و ديكولتي بلاش بوصطو و مشات تعيش معاهم و تقرا و تتعلم و تاخذ في حبوب منع الحمل. و ممبعد مشاوا للحمامات وين يلقاوا تجمع كبير متاع حداثيين جايبين معاهم البيرة و الويسكي و جاوا يتفرجوا في الشيخ جالك نم ستايل. فما واحد عندو ملهى قراني (يجيوا الرجال يقراوا القران و ينكحوا ما لذ و طاب من الغلمان)، سكر الملهى على خاطر خايف على الحرفاء متاعو من بطش الحداثيين. مشاوا يحكيوا مع سياح من السعودية لقاوهم يتذمروا من بعض النساء التوانسة إلي ولاوا يخرجوا ماغير مايغطيوا شعرهم. ملي طاحوا المسلمين و شدوا الحكم المسليسار، الناس بداوا يخرجوا عالدين و يتجاهروا بالفحشاء و المنكر. الحاصيلو الوتلوى إلي كانوا معبيين بعرب الخليج و لاوا ينشوا في الذبان. و ممبعد و راوا أحداث جامعة منوبة بعد ما جماعة من اليساريين المتشددين عملوا إضراب باش زميلاتهم يدخلوا يقراوا بالميني جوپ. اليساريين هدوا عالبيرو متاع المرشد الأعلى للجامعة الشيخ عبد الحميد الكأس دخلي و زوز بنات لابسين الميني جوپ عراوا عليه بزازلهم يخي طاح داخ. الأساتذة عملوا حملة يساندوا فيها المرشد صلعم ضد تغول اليساريين إلي قاعدين يخربوا في مبادئ الإسلام في الجامعة و يحبوا يدخلوا مواد دخيلة و غربية تتناقض مع التعليم الإسلامي كيما الفلسفة و الطب الغربي العياذ بالله. واحد من الطلبة اليساريين حط يدو على الكاميرا و قال إلي مايحبش يحكي مع قنوات الخليج. برشى نساء منقبين يعيطوا: جامعة إسلامية، تعليم دينوقراطي، جاوا يساندوا في المرشد الأعلى.
Aucun commentaire:
Enregistrer un commentaire