يظهرلي بعض التوانسة عندهم مشكلة مع الإختلاط الديني. صديقة عزيزة عليّ جات تتشكّى من تعامل بعض التوانسة معها. هي عربية من الشرق الأوسط و مسيحية. قالت لي إلي عمرها ما حسّت روحها مضطهدة بسبب معتقداتها الدينية كيف ما صار مع بعض الطلبة التوانسة إلي جاو يدرسوا مرحلة ثانية و ثالثة في كندا و معظمهم عندهم منحة دولية. بدات الحكاية كيف وحدة صاحبتها تونسية جبدت روحها و طفّاتها. و بعد السؤال جا الجواب كالصّاعقة. قالت لها إلّي مصاحبة المشركين كفر و لذا برغم إحترامها لها فإنها بش تقطع الصلة. و جاو أصحاب الفتاة التونسية ولاد و بنات لاهم متحجبين و لا ملتحين و قالولها نفس الكلام و نصحوها بش تدخل للدين الإسلامي على خاطر لو كان يطبقوا الدين، دمّها حلال. الطفلة قريب تدوخ و كي جات تحكيلي مالقيت ما نقول. ظاهرلي لعباد هاذومة عندهم بولنتا، عصيدة، في بلاصة المخ و الأدهى و الأمرّ هوّ أنهم يمثلوا الجيل الجديد إلي ظاهر فيه صدّد قبل ما ينضج و كيف ما قالتلي صديقتي المعنية بالأمر: ربّي يهديهم.
هذكا من تبعات ان تكون مسلم بالاسم! يعني مسلم بالوراثة دون التطلّع على تعاليم الدّين الاسلامي اللّي من ضمنها التّعايش السّلمي مع الآخرين... وزادة راجع الى امور اجتماعيّة اكثر من حاجة اخرى
RépondreSupprimerHia rabe7a erte7et men manadherehom :)
RépondreSupprimerصحيح بالنسبة للتوانسة و سكان المغرب بشكل عام فمة مشكل في قدرة الانسان البسيط أنو يفهم أنو الناس إلي تتكلم بالعربي مش بالضرورة الكلها مسلمة... في المشرق ردود الفعل هذية ما تلقاهاش على الأقل بنفس الحدة... لاحظت هذا بشكل خاص البرة.. ربما حتى في حالات مشابهة للفتاة هذية و لو أنو لومور ماوصلتش الى حد مقاطعتها
RépondreSupprimeret oui!
RépondreSupprimeret le probléme est que ce genre de personnes se croient trés ouvertes!
décidément le dicton "toute personne a trois personnalités, celle qu'elle montre, celle qu'elle a et celle qu'elle croit avoir" est vrai mais ce qu'on cache et qu'on refuse d'admettre ressort dans de telles circonstances!
c'est triste!
c'est le symbole de l'echec des efforts d'éducation nationaux, c'est les idées sequellaires qui persistent!
yezi ya rajel hetha takriban kithb 3ayshine fi USA we CANADA 11 3am tawika we akthar ness shoufthoum mitsemhin houma twensa ti billehi yeziyouna mil kithb.....
RépondreSupprimer