mardi 9 juillet 2013

ربوبي

أمي: بش تصوم السنى؟
لا.
علاش؟
الخدمة برشى. نقرِّي أربع سوايع في النهار.
تي ماك كنت  تصوم و تقرِّي و آنا عمري الكل قرِّيت ستة سوايع و صايمة.
ما فماش جو رمضان. آنا نصوم عالجو.
ماو أخلقوا جو إنت و صحابك.
أغلبيتهم مايصوموش.
وليدي شمش تعملوا مع ربي نهار آخر.
يخي ربي ماعندو مايعمل يقيد في الأحوال، شكون كلى و شكون ماكلاش؟ هاذيكه بكلها طقوس جابوها عباد و كل واحد حر.
ملا طقوس. تي دين موش طقوس، هكه؟ مالا ملحد إنت؟
يخي جديد عليك. ماك تعرفني ما نمّنش بالدين آما فما حاجة أقوى منا ببرشى: ربي، الطبيعة، الكون، سميها كيما تحب.
مالا طلعت ربوبي؟
ممكن.
شنوّة عندكم غلّة توّه؟
حب الملوك، فراز، بانان، اناناس، إلخ.

Aucun commentaire:

Enregistrer un commentaire