نظريّة التّطوّر

 Daniel Lee

نطفة فحوتة عملت ساقين و خرجت مالماء، زحفت على أربعة، طف، و لّات قرد طلع عالشجرة، صار خلل في الجينة إلّي مسؤولة على عظلة الفكّ، تقلّصت العظلة فكبر المخّ، طف جاء الإنسان، مشى على زوز، إستعمل الأدوات، طوّر اللّغة، إبتكر، تخيّل حاجات، حبّ ينسى أصلو و فصلو، خلق أسطورة و صدّقها، صنع، شيّد،  و ممبعد جا و قال المرأة إلّي راسها موش مغطّي، بش تدخل لجهنّم و إلّي يتظاهر نقصّولوا يديه و ساقيه، طف، رجع حوتة بلا يدين و لا ساقين آما راسها مغطّي.

Les islamistes du vagin

HAHAHA, ces islamistes, ils sont résolument drôles. Un colloque en Egypte sur les femmes sans les femmes. Leur plus gros problème (inconscient) c'est qu'ils n'acceptent pas d'être descendus du vagin d'une femme. Il ne faut pas chercher loin! Tout est là! Ils en veulent au vagin parce que, à travers lui, ils ont été expulsés de leur paradis originel. Il faut donc retrouver le paradis perdu dans l'au-delà et reconquérir à leur façon des vagins vierges (70 et plus), c'est-à-dire des vagins qui n'ont jamais expulsé un corps humain. 

شبيك تكره الدّين؟

نفس العباد إلّي كانوا يقولولي شبيك تكره الزّين، توّه يقولولي شبيك تكره الدّين. الدّين لا نكرهوا لا  يكرهني و كلّ واحد حرّ في تصرّفاتو. إلّي ماعجبتّوش المنقّبة في البحر، ماعليه كان ما يغزرش و لّي متقلّق مالبكيني، ماعليه كان يجبدها قبل ما يهبط للبحر. أنا توّه نكره طحّانة التّجمّع إلّي يحبّوا يرجعوا بالسّيف، نكره الخوانجيّة إلّي يحبّوا يفرضوا على العباد تسطيكتهم، نكره العباد إلّي مكبّشة في القشور و مسيّبة الصّحيح، أما أكثرما نكره هوما العباد إلّي قبل كانوا في التجمّع و توّه مع الخوانجيّة. 

الخوف من النساء؟

The Enigma of Desire - My Mother, Salvador Dali, 1929

في الصومال شدّوها على خاطر لابسة بوسطو متاع الغرب بعد ماأجبروها باش تنقّز. في مصر قصّولها العضو الوحيد إلّى تقتصر وظيفته على النشوة الجنسية. في أفغانستان رجموها لين ماتت على خاطر عملت علاقة مع راجل. في السعودية حبسوها على خاطر ساقت كرهبة. في تونس الرجال هبطوا للشوارع يحتفلوا بقرار السماح للمرأة بش تتصوّر بالحجاب في بطاقة التعريف. في اليمن عرّسولها براجل قدّ جدّها و عمرها 9 سنين، قال شنوة عندها الحيض. شنية النقطة المشتركة بين الأفعال هذى الكل؟
الإسلام؟
كره النساء؟
الخوف من النساء؟
عدم الثقة بالنفس كراجل قدّام المرا و هذاك علاش لازم عزلها و تقييدها؟
هل هي عقدة جنسية راجعة لعلاقة الراجل مع أمّو و رغبته في التخلص من جاذبية جنسية في اللاوعي تخلّيه ماتعدّاش مرحلة الرضاعة و تولّد عندو رغبة الإنتقام من النساء لخرين لتحويل الوجهة عن الأم؟
ولّا هيّ علامات التقهقر و الإحتضار الحضارى؟