زبانية

المشكلة ماهيش في وجود لوحة أو عدم وجودها في معرض ما. المشكلة في النّاس إلّي منصّبة  رواحها زبانية (بدون تفخيم الزّاد و لا الباء، خاطر تولّي حاجة أخرى). شنيّة المشكلة كي واحد مثلا يصوّر روحو يبصق على ربّي؟ تِماو ربّي خلقو، خلّيه هوّ يدافع على روحو و يشوشطو و لّا  يعملّو إلّي يحبّ هوّ. توّه هذا الكل و ربّي ما ينجّمش روحو و يحبّ  لعباد تدافع عليه؟

شكون يسيّر في اللّي قاعدين يخرّبوا؟

سوال محيّرني: شكون يسيّر في اللّي قاعدين يخرّبوا؟
1 وحّدهم
2 ربّي
3 النّهضة
4 التّجمّع
5 اليسار
6 السعوديّة
7 أمريكا
8 بنقلاداش

L'homo-bêta

Désormais, il n'y a que la Nature qui m'intéresse en Tunisie, le reste a déjà pourri et va bientôt sécher, heureusement. J'aimerais donc lancer deux actions: nettoyer les fonds marins du plastique des gros bêtas et sauver les caméléons menacés par la sorcellerie et les soins de la peau (des gros bêtas). Je me retrouve encore à parler de l'Homo-bêta de merde!

Pétition contre le gouvernement tunisien ou le ratage parfait de la cible

Le texte de la pétition lancée par une enseignante en droit civil contre le gouvernement tunisien est d'un funeste ridicule et les néologismes que celle-ci s'est évertuée à forger le rendent encore plus incongru, voire pathémique. Selon elle, «TUNISIOIDE» serait une forme de génocide tunisien. Ne sait-elle pas que c'est le «CIDE» (caedere) qui tue et qu'au contraire le «zoïde» (zöeidês) donne la vie? C'est un peu comme le spermatozoïde et son ennemi juré le spermicide. Décidément, il nous faudrait beaucoup de rigueur intellectuelle pour amorcer une quelconque révolution.   Cliquer ici pour voir le texte en question. 

بلاد البانان

تمشي للوتيل مع صاحبتك، يشدّوكم في قضيّة دعارة: 6 شهر حبس.

تنشر كاريكاتور و تقول أنّك ملحد، يتحكم عليك بسبعة سنين.

تشارك في مظاهرات تطلب فيهم بحقّ التّشغيل، تاكل الرّكلة و المتراك، هذا كان ماتموتش بالكرتوش.

تقتل عباد،  تسرق و تنهب، تكذب، إلخ. تاخو عامين حبس و إلّا  تفصع بالفلوس. 

تهجم على الجيش بالسّلاح، تفرقع وِتلى، تخطّط لإنقلاب على السّلطة: تشدّ الحبس و من بعد تولّي وزير و إلّا  تاخو  الملاين. بلاد البانان.

نظريّة التّطوّر

 Daniel Lee

نطفة فحوتة عملت ساقين و خرجت مالماء، زحفت على أربعة، طف، و لّات قرد طلع عالشجرة، صار خلل في الجينة إلّي مسؤولة على عظلة الفكّ، تقلّصت العظلة فكبر المخّ، طف جاء الإنسان، مشى على زوز، إستعمل الأدوات، طوّر اللّغة، إبتكر، تخيّل حاجات، حبّ ينسى أصلو و فصلو، خلق أسطورة و صدّقها، صنع، شيّد،  و ممبعد جا و قال المرأة إلّي راسها موش مغطّي، بش تدخل لجهنّم و إلّي يتظاهر نقصّولوا يديه و ساقيه، طف، رجع حوتة بلا يدين و لا ساقين آما راسها مغطّي.

سجّل أنا كافر

سجّل أنا كافر
سجّل أنا كافر، سجّل أنا كافر بالمهزلة إلّي صايرة
أنا كافر بالحاكم متاع الخطاب الرّبّاني،
كافر بالرّبّاني إلّي قالّو كون نيوليبرالي
الرّبّاني إلّي أوحالو بش يمشي بإسمي و إسمك يطلب المهبة من عند سيدو آل تعوس
سجّل أنا كافر بالحاكم إلّي بدّل شقف الدّبوزة بموزة الخليج
 أنا كافر بال%38  إلّي باعونا بش يربحوا ثواب في الجّنة
كافر باللّي يتفرّجوا و ساكتين،
باللّي يقلّي مش وقتو توّة،
كافر بعباد يشلّطوا في رواحهم و يقولوا الدّم منين،
يلقّيوا في ترمهم و يقولوا آمين،
يا ربّي سجّل راني كافر.